Mombe’upy peteĩ mombe’u ojehaíva ñe’ẽsyry térã ñe’ẽrysýipe omombe’úva ymaite guare oñembojehe’ahápe añetegua ha añetegua’ỹ.
Emoñe’ẽ ko mombe’upy.
Yrendy
Yma ndaje Paraná rembe’y pukukuére, ka’aguy ypytũme, hysýiva’ekue ñande ypykuéra. Upe rupi jeko ha’ekuéra oikova’ekue sasõ, vy’a ha teko porãme.
Ndaipóriva’ekue mba’eve oipy’apýva chupekuéra.
Todos los beneficios, en un solo lugar Descubrí donde te conviene comprar hoy
Upéinte iñambue chuguikuéra ko’ẽ. Ára jajái pa’ũgui ojepo’o mba’e apu’a rendy tarovápe oúva oúvo yvy gotyo.
Avakuéra tuichaite py’andýi reheve oĩhaguéicha osẽmba oma’ẽ hese. Itarendy oúva yvágagui ojejoso yvýre, ombojuru tuicha ha oñotỹ ipype hetaite ñande ypykuéra.
Pe yvy juru henyhẽ ýgui, opupúva, otĩmbóva ha oheja pytũnguýpe ijere heta ára.
Peteĩ ko’ẽme osẽvo kuarahy ha’ete ku tatarendy opoñýva y rova ári. Upévare ndajeko ava guaraníkuéra ohenoiraka’e yno’õ guasu opytava’ekue Yrendy.
Feliciano Acosta (MEC, DEGEPPJA, 2018, PAG. 37).
Fuente: https://bit.ly/3gHf9Hv /
Tembiaporã
1 Mba’épa he’ise:
a) Táva: . __________________________________________________________
ã) Ára: ____________________________________________________________
ch) Yvy: ___________________________________________________________
e) Yvága: _________________________________________________________
ẽ) Ñotỹ: ___________________________________________________________
g) Py’andýi: _______________________________________________________
g̃) Ypykuéra: ______________________________________________________
h) Yrendy: ________________________________________________________
i) Ombojuru:______________________________________________________
ĩ) Tatarendy:_______________________________________________________
Lea más: Ñe’ẽ he’ise’etáva (polisemia)
2 Eipuru peteĩ haipyvópe umi ñe’ẽ pyahu:
______________________________________________
______________________________________________
______________________________________________
3 Embohovái.
a) Moõpa oiko’akue ñande ypykuéra.
ã) Mba’éichapa oikova’ekue hikuái.
ch) Mba’épa oiko upéi.
e) Mba’épa ojapo itarendy.
ẽ) Mba’éichápa ñande ypykuéra ohenói yno’õ guasúpe.
4 Emoĩmba.
a) Ko mombe’upy héra:
ã) Ohaiva’ekue:
ch) Omombe’u:
e) Yvyjuru:
ẽ) Peteĩ ko’ẽme:
5 Enohẽ mombe’upýgui:
| Añetegua: | Añetegua’ỹ: |
|---|---|