Moñe’êrã ñesa’yijo

Prof. Alicia Wottrich

Kokue rapére

Peteî pyhareve asaje Talo ha ityvýra Iko oguata mbegue ohóvo hikuái kokue rapére, upéinte oguahêvo pe tenda hérava Ña Venancia-kuépe osêmbaite chupekuéra mokõi aguaraguasu ñarõ hesa hendy ha hãi vera guasúva, tuichaiterei oñemondýi hikuái, pirî niko ojupi ipirerekuéra ho’ysãmbaitévaichavoi. Okororõmavoi katu chupekuéra ko’ã mymba ñarõ ha Talo py’aguasuguirei oñembosaraki henonderãmekuéra ha osapukái hatãiterei jachechápa nombogueviha’ãi ko’ã mymbápe. Osêtevoi chupe ipy’apota ha umi mymba oñemondýi tuichaiterei avei pe sapukái hatãgui oñani hikái mangoty gotyo omotimbo yvypytã hapykuerepekuéra.

Ohasa rire ñembondýi py’atytýi, oñomongeta péicha joyke’ykuéra oikova’ekuére:

Talo: Ñañangarekóke ñande rapére cháke ã mymba hovatavyhína che ryvy.

Iko: Añete ere che ryke’y, ha mombyry gueteri opyta Ña Varikue ñaguahê haguã.

Talo: Ndajakyhyjéinteva’erã niko, hi’ã chéve ha’ekuéra ojapíma tia Rita korapy gotyo.

Iko: Taupeichaguei, chéve ningo chemboy’airo’ysãmbaite ko’ã añarymba.

Péicha oñomongeta ha oñombopy’aguasu hikuái ikatuhaguãicha oguahê kokue ruguápe oha’arõhape chupekuéra itúva marangatu karai Amalio heropy oha’arõva hína irambosaguã mbokaja ku’i mandi’o aku porãre.

Talore rembiapokue (seudónimo de Bernardo Pérez)

Ñamba’apo

1- Mba’e he’ise ko’ã ñe’ê moñe’êrãme.

- aguaraguasu:

- ipy’apota:

- py’atytýi:

- ryvy:

- ryke’y:

- marangatu:

2- Ñaguenohê moñe’êrãgui.

Kuaarapoite (Idea principal)
.................................................................................................................................
Kuaarapoyke (Idea secundaria)
..................................................................................................................................
Avatee (Personaje principal)
……………………………………………………………………………………..
Avatee’y (Personaje secundario)
……………………………………………………………………………………..

3- Ñamohenda moñe’êrãme oîháicha.

…. Ña Venancia kuépe osêmbaite …
…. Peteî pyhareve asaje …
…. Umi mymba oñemondýi…
…. Péicha oñomongeta ha …
…. Ohasa rire ñemondýi…
 
4- Jahai mba’ére oiko ha mba’épa ojehu.

Mba’ére oiko
……………………….
…………………….....

Mba’épa ojehu
………………………..
………………………..

5- Jaheka moñe’êrãme tero:

Mymba réra: ……………………………………………………………
Ava réra: .................................................................................................
Tenda réra: ..............................................................................................
Yvyra réra:...............................................................................................

Fuente: Guarani Poty atyve