1. Jaiporavomína mokõi ñe’ẽ ha ñamombe’u ojupe mba’érepa jaiporavo.
2. Ñamoñe’ẽmi ko ñe’ẽpoty.
Ne pore’ỹme
Pytũmby oguãhẽvo ñembyasy pa’ũme che’ãho mantéva
Todos los beneficios, en un solo lugar Descubrí donde te conviene comprar hoy
Ndahupytyvéigui cheangapyhýva ne kunu’ũmi,
Ha che korasõme techase rata chejope asyetéva
Naiméigui ndeypýpe ha nderejuvéigui nde che kambami.
Heta pyharéma ku akeve’ỹre cheko’ẽjeýva
Rohechasetégui topehýi ndoúiva chemombytu’u;
Tamombe’umínte chemoirũmihára chéicha oñembyasy
Ka’aguy ypytúre ojahe’oitéva, guyra urutau.
Amóme há’éma kóicha oikorangue mombyry ndeypýgui
Ku tape puku ijapyra’ỹvare aháma haguã,
Jahechápa péicha ndacheresáiri pe ne mborayhúgui
Ha ndaivevuivéipa chejopy asýva angata ñaña.
Aikuaasemínte oimévapa nde, pe nde rekohápe
Tesaráipe oikóva réra sapy’ánte nde juru ohenói,
Térã chéve añónte rohayhu porãgui opaite hendápe
Kuarahy oikévo rohechasetégui vy’a’ỹ heñói.
Hi’ãiténte chéve rejumijey che rembiayhupára
Ne ma’ẽ rorýpe rembopiro’ývo ko che rekove,
Topami anga ko techaga’u che juka potáva
Ha ne kunu’ũmante ikatúva omongueraite.
Jepevémo ndénte ndacherauhuvéigui chereja ko’ãicha
Tesarái poguýpe arombyasyetévo pe nde tapere,
Cheañomínte aikóne nderehe che ahõvo ha’e ku mitãicha
Rehenói asýne hi’ãitégui chéve nde ypýpe aime.
Andrés Salomón rembiapokue
Andrés Salomón hi’arareñoiva’ekue San Lorenzo-pe 1920 pe. Hembiapokue ñepyrumby héra Canto de un marinero. Heta oipytyvo va’ekue revista «Ysyry», «Ñane reta» ha «Okara Potykue mi» me ohaiporã rupi castellano ha guaraníme. Omoirũ avei umi Autores Paraguayos Asociados (APA) peguápe.
3. Ñamongora’i umi ñe’ẽjoaju omombe’úva ñe’epotýpe he’iháicha.
* Che’aho
- opa mborayhu.
- oho pe oñandúva.
- oñongatu pe oñandúva.
* Che’angapyhýva
- che py’apýva.
- che mbovy’áva.
- che jopíva.
* Ijapyra’ỹvare
- opa potáva.
- ipahaitéva.
- opave’ỹva.
*Angata
- mba’e porã.
- mba’e vai.
- mba’e pochy.
Fuente
Recuperado de: http://www.portalguarani.com/
Portal guaraní-las cien mejores poesías, publicado el viernes, 29 de enero de 2010, recuperado el 29 e setiembre de 2014