Vy’apavẽ Angirũ Árare
Angirũ Ára ningo oguahẽ
Mbohapypa jasypokõi jave.
Torýpe chemandu’a nderehe
Nde che angirũ añetete.
Todos los beneficios, en un solo lugar Descubrí donde te conviene comprar hoy
Lea más: Amigo – angirũ
Nde mante katuete cherendúva
Amombe’uvo chéve ojehúva.
Nde mante che rendápe rejúva
Reikuaagui opa mba’e añandúva.
Hetaite mba’e jahasa oñondive
Ha’erõ mba’e porã repuka chendive.
Mba’e vai ha’erõ nerasẽ chendive
Ha ha’erõ vyrorei javy’a oñondive.
Rohayhueterei che angirũ
Ha amomba’e avei ne irũ
Nendive ñambo’yke opa ñopũ
Ha ñombohesape mba’e pytũ.
Ko árape javy’ajoákena
Ñañombyatypákena
Jahasa porãkéna
Ha jajoayhúkena.
Ko Angirũ Ára mba’e tuichaite
Maymávake jajoguerohorypaite
Ha torypópe ja’e oñondivete
Vy’apavẽ ha terehasa porãite.
Paulina C. Gamarra