Paraguayo Cubas ndaha’eveimái senador de la Nación. Péicha oguahë hikuái pleno Cámara Alta oñembyatýva ko jueves sesión extraordinaria ohechávo pedido pérdida de investidura oîva hese ha oñepresentáva umi senadores Antonio Barrios, Stephan Rasmussen, Enrique Riera, Fidel Zavala, Óscar Salomón, Georgia Arrúa, Martín Arévalo, Blas Lanzoni, Arnaldo Franco, Hermelinda Ortega, Juan Afara ha Javier Zacarías Irún.
Noiméi hikuái sesión umi representante Partido Democrático Progresista (PDP), choguykuéra oficialista ha Frente Guasu.
Cubas rendaguépe oike ohura haguã Miguel Fulgencio “Kencho” Rodríguez Frente Guasúgua. Jepénte Georgia Arrúa ha umi parlamentario Patria Querida-gua he’i hikuái Cubas rekovia oikeva’erã pteî ipartidogua.