”Peñeha’ã peservi opa ára ha anitei penderesarái umi paciente ojegueróviáva penderehe ha upéva rehe ooî pende pópe hekove itajúicha orekóva hikuái pe jeiko yvy ape rehe”, he’i sambyhyhára general centro médico, Dra. Yolanda González Barrios oiko jave acto de graduación.
Sambyhyhára médica, Dra. Estela Torres, imandu’a oñepyrûrõ guare ha’e residencia médica institución oîháme, ha’éva pe herakuã porãva ha’égui principal centro de formación opáichagua especialidad médica tetãme. Omombe’u 1994 oñepyrû ha péicha osê tasyógui 1.270 médico especialista.
Ojerúre umi egresado tome’ê hi’aguyje ogayguápe ha umi mbo’ehárape, ha upéva ári anitei omboyke iñemoarandu, péva ejercicio de la profesión pukukue. “Toestudia ára ha ára, pe noñemoarandúiva ndikatúi ha’e médico”, omoañete.