Ko’ã protesta ojapóva racismo orekóva epicentro Estados Unidos gotyo, peroohasa frontera ha omoñapými redes sociales, péva hashtag #BlackLivesMatter (umi tapícha ipire hû avei ñamomba’eva’erã). Paraguáipe, ko’ã tema ojoguaite mombyrý oîva,péva ndajahecháigui oiméne afrodescendiente ha mbovy jahchágui.
“Ore afroparaguayo ndaha’éi baile ýrõ música añ{onte rosêva evento artístico jave ore invita javente”, omoañete Mayeli Villalba, orgullosa afroparaguaya San Pedro-gua. Ñahendúvo ijypykuéra rehegua omombe’úvo ojoguaite ñamoñe’êva aranduka tembiasakue ome’êva piro’y, py’atytýi ha imbarete py’aguasúpe.
Mayeli oiko Paraguaýpe, pero ko’ágã ohasa cuarentena Ñembýpe isy ndive. Oreko 34 ary, ha’e licenciada Trabajo Social ha fotógrafa. Omba'ápo agencia internacional-kuéra ndive ha ojapo investigación visual umi fotografía comunidad afroparaguaya. Imandu’a tesis ojapova’ekue comunidad Cambá Cuá, oikuaaségui hapoite, oñemoarandu ha omoñe’ê aranduka ohaiva’ekue umi haihára afroamericano. Omombe’u jey: "Che familia San Pedro-gua, tavaguasu San José del Rosario. Ha'éva referente iguaiguîvéva, Chei bisabuela Anabella Rojas.
Pe táva omopyenda umi esclavo ogueruva’ekue don Carlos Antonio López, ojapo haguã canal peteî
karugua pukukuépe ha omomba’apo ko’ã tapicha ojekuaáva upérõ kamba ramo”, he’i Mayeli.