Palacete, oimeháme centro de Asunción (Herrera 892, calle Estados Unidos ha Tacuary), Serafina Dávalos rogakue, ha’e abogada ha feminista del Paraguay, heta arýma oime ñanandýpe, yty, humedad, upéicha techo okukúi. Ohasa sákeo ha incluso ojeporu aguantadero vagabundo oiporúva.
“Peteî ary mbyte porã mba’apópe oime hikuái ha ñomongetápe upéva rupi ofirma acuerdo ha umi obra oñepyrû pya’ete. Ojerúre IPS oiporúvo 20 ary pukukue ha’e haguã centro cultural kuñanguérape guarã”, he’i Adriana Ortiz, directora IPA-gua.
Upéva rupi arquitecto José Kronawetter, Ministerio de Obras Públicas y Comunicaciones (MOPC)-gua, he’i ha’eha peteî óga orekóva valor patrimonial ha oñeha’ãrõ diagnóstico ha protocolo de intervención oñepyrûvo restauración.
Abogada ha feminista peteîha Paraguáipe
Serafina Dávalos (1883-1957), ha’e abogada ha feminista Paraguáipe omoñepyrûva’ekue, ojegradua Facultad de Derecho Universidad Nacional de Asunción ary 1907 jave, oreko peteî tesis titulada «Humanismo», ndoguerohorýiva kuñanguéra akãity, ojepytaso tekombo’e rehe ha omehora condición matrimonio-pe, ha péva heta apañuãi ogueruva’ekue ichupe.
Upéicha Virginia Corvalán ha ambue kuñanguéra omopyenda Movimiento Feminista de Asunción, Centro Feminista Paraguayo, Unión Femenina del Paraguay ha Liga Paraguaya orekóva oñeha’ãvo mayma kuñanguéra Derecho rehe.
Omano tekotevêmbýpe jasyporundy 1957 jave. Upéicha oñemomba’eguasúvo Serafina Davalos ra’anga ojegueeko peteîha sello de correos paraguayo upérõ Dirección General de Correos de Paraguay omoherakuãva’ekue sello: “Abogada ha feminista Paraguáipe".