“Peteî festival ombyatýva heta arpista compatriota ikatupyrýva, pytaguáre ha invitado internacional. Ko temática oikuaauka umi propuesta pyahu ha mba’éichapa omomýi jey umi composición omereséva ojekuaa”, he’i arpista pilarense Lucas Zaracho.
Ko músico he’i ogueromandu’eávo arpa paraguaya, orekóva fecha oficial 9 de junio, ogueromandu’ávo Félix Pérez Cardozo mano. Upévare oñeinspira festival arpístico mexicano oikova’ekue, oipyso ko ára 21:00 aravo jave ha ko’êrõ 21:00 (aravo paraguáipe), Facebook oficial Arpistas Paraguayos Asociados, Radio Cámara, Radio Sur FM 104.7 ha TV Pilar.
Ko’ã arpista oîtáva Cristóbal Pedersen, Jorge Cáceres, Nelson González, Miguel Ramírez, Vicky Díaz, Papi Basaldúa ha Lucas Zaracho.
Oime Celso Duarte ha Rodrigo Vidal, México guive; Lucía Shiomitsu, Shiori Iwasa ha Miyuta Utada, Japón; Amy McCallister, Irlanda guive; Cristian Rodríguez, Chile; Fabio Kaida, Brasil; Amistad Aslin, Inglaterra; Leonard Jacome, Venezuela, ha Mamiharijaona Ramaroson, de Madagascar.
Avei ko ára 4° Festival Internacional de Arpas de Buenos Aires Argentina kóva ojehecha en forma virtual, radiotupac.com.ar guive ha perfil de Facebook Lucas Petroni mba'éva. Kóa katu 19:00 guive.