ABC REMIANDU

Ñaneretâme ára ohasávape jahecha mba'éichapa campesino kuéra oheja hóga ha uu táva kuéra Gran Asunción pegua jerére; ko mba'e hérava migración oiko ojapo are arýma, ohechauka háicha ñandéve umi estudio ojejapóva ko'â rehegua. Upe aty "Un Techo para mi País" omombe'u 10 tendápe, área metropolitana-pe, oîha 38.000 familia, oikóva 405 asentamientos-pe, ndoguerekóiva ni peteî condición mínima oñembohéra haguâ urbanización mba'e. Opavave ningo oikuaa ko'â asentamiento-pe oî ha tapicha ohejarei vaekue umi zona rural, ha ouha oiko umi táva ko'árupigua jerére. Jepe péicha jahecha ha ojeikuaa oikoha, ndaipóri mburuvicha he'íva oikuaaha upe mba'e oikóva. Ndaikatúi he'i hikuéi ndoikuaaiha mba'e. Jaikuaa porâ ningo ko'a aty chokokue oîháme, taha'e mitâ, mitârusu, mitâkuña, taha'e ha'éva, oho hína oiko haguâ upeirire favelas, villa miseria, callampas, chabolas, oñembohéra háicha. Ha oiko jave ko mba'e, avave, ñande ruvicah kuéra, ndojapói algún proyecto jepe ikatu haguâ oñembohovái ko amenaza ojehecháva hína.