Karai ministro Eladio Loizaga péva he'i periodista kuérape kuehe Cancillería-pe. Iporã oñembyesako'i polítika ikatu haguã jajuhu umi objetivo oguereko va'ekue Mercosur yma oñepyrûvo. Mba'evéichagua pa'ã ndojokoiva'erã opaichagua mba'e jegueru ha jegueraha Mercosur ryepýpe, he'i.
Loizaga imandu'a Mercosur rehe omombe'uvo outaha táva Asunción-pe canciller uruguayo Rodolfo Nin Novoa, ko araapy (martes) 28 oúvape.