Mandu’a Luis Alberto del Paraná rehe

Oñegueromandu’áta ko’êramo Luis Alberto del Paraná, ha pévarã ojehechaukáta ta’ãngamyi "La burrerita de Ypacaraí" hérava. Tenonderã, Marco de Brix opurahéita Luis Alberto del Paraná repertorio-kue, ha upéi ikatúta ojehecha Paraná rekove ha rembiapo rehegua documental. Ha opakuévo ojehecháta La burrerita de Ypacaraí, oñemyatyrõ pyahúva. Ko pelíkula ary 1961-pe guare ha pype ojehecha Isabel Sarli, Armando Bo, Ernesto Báez, Carlos Gómez ha Luis Alberto del Paraná, Trío Los Paraguayos ndive.