Masakaragua’i ha guyra chovy
Yma che mitãmíme aikorõguare Ita Angu’ápe ahamiva’erã aguata kokuére añeangapyhy haguã mba’e porãita oîva Tupã rembiapokueita apytépe. Upéicha peteî pyhareve asaje kuarahy hakuete mboyve aguahê ahávo pe tenda hérava “Ña Varikuépe”, ka’aguýpe aguatávo yvytu piro’ysã ojapyhy che ñe’ã ha ombohory che rete. Ajesareko ápe ha pépe ha upeichaháguinte ahecha sapy’a peteî Masakaragua’i oguata, opo opo ha oveve jepi hína yvyrarogue piru ári iñasãiva ka’aguy mbytére.
Aha mbegue hapykuéri ahechaségui mba’érepa péicha oiko. Oñembojávo peteî pakuri máta tuicháva guýpe hesaho sapy’a Guyra Chovýre ha oñe’ê ichupe kóicha:
—Masakaragua’i: mba’éiko rejaporeína Sajoyvymi porãite.
Todos los beneficios, en un solo lugar Descubrí donde te conviene comprar hoy
—Sajoyvy: ha péina pakuri a sa’yjuasýva re’ênguépe amohe’õ he’õaína che ahy’o.
—Masakaragua’i: iporãitépa!, mba’épa ere romoirûramo, ha’usete avei chave yva re’ête.
—Sajoyvy: eju katu cheirû, heta hi’a ko Ñandejára remiñotyngue.
Péicha Masakaragua’i ha guyra Chovy ho’upa rire yva re’êteasy oho hikuái isaraki ka’aguýre. Che katu ahechapa rire ã mba’e sy ka’aguy oikuave’êva ñandéve ajevy jey che róga gotyo tory vy’ápe amombe’uha’ãvo che rogayguakuéape ahasapyre “Ña Varikue” ka’aguýpe.
Talore rembiapokue – Seudónimo de Bernardo Pérez Turquín
2. Ambohovái ã porandu.
1. Mba’épa omombe’u ko mombe’urã.
2. Mávapa oñomongeta.
3. Mba’éichapa oñeñandu umi guyra ho’upa rire yva.
4. Mba’épa haihára omombe’use ko mombe’urãme.
3. Eheka mba’épa he’ise ko’a ñe’ê:
Añeangapyhy: …………………………………………………………..
Ojapyhy: ………………………………………………………………..
Masakaragua’i: ………………………………………………………....
Guyra Chovy terã sajoyvy: ……………………………………………….
4. Ahechakuaa moñe’êrãme:
Mba’érepa (causa) …………………………………………………………………….
Mba’épa oiko (efecto) ………………………………………………………………...
Oikóva (hecho) ……………………………………………………………………….
Oje’éva (opinión) ………………………………………………………………………
5. Embohu’y mba’e ñe’êtemiandu ko’ã ñe’ê:
- mba’e porãita
- kuarahy hakuete
- yvytu piro’ysã
- pakuri a sa’yjuasýva
- re’ênguépe amohe’õ che ahy’o
- yva re’ête
- ka’aguy ryakuã porã