Ñamoñe’ẽmi Níko ha karai Toma ñomongetajovái
Níko: –Mba’éichapa, karai Toma.
Karai Toma: –Iporã, che ra’y, ha ndépa mba’éicha. Mba’épa nde rerumihína.
Níko: –Ha péina ningo areko tembiapo ome’ẽva oréve mbo’ehára.
Karai Toma: –Mba’épa ojerure peẽme.
Níko: –Oipota roñemoarandu mba’éichagua tembipu, oje’éva instrumento musical-pa oiporúva’ekue ñande ypykuéra ko ñane retãme.
Karai Toma: –Ajépa iporã peikuami peẽ mitãkaria’y umi mba’e. Eju tahechaukami ndéve ko’ã ta’ãnga. Ha ombojoaju: Emoñe’ẽmi avei he’íva iguypekuéra.
1-Jajesareko ha ñamoñe’ẽmi ñandeave
. Mimby eta (flauta de cinco notas) Ko’ã tembipu ojejapo takuapígui terã takuáragui
.Turu: trompeta takuaraguigua
.Takuapu, ombohyapu yvýre omarka purahéi.
.Mbaraka, maráka, hy’a terã ka’yguaguigua ojejapo
avei chugui gualambáu
Karai Toma: –Rehecháma mba’épa ombopu. Oipuru avei hikuái hy’a. Ápe rehecháta oipuru avei yvyra arco.
.Yvyrapa’i, ojapóva yvyra karapãgui ha isã ojepysóva ha ipúva violíncha
Omañamba porã rire Níko, oñatóĩ ichupe karai.
Karai Toma: –Nemandu’apátapa ko’ã rehecháva ha rahenduva’ekuére.
Níko: –Che mandu’áta. Ha oĩve aporanduséva gueteri.
Karai Toma: –Mba’épa, che ra’y.
Níko: –Ko’ágã ñahendúva mbarakápa ha’ekuéra nombopúi.
Karai Toma: –Nahániri. Mbaraka, violín ha órgano ombo’e ichupekuéra umi misionero jesuita.
Níko: –Ko’a peve ovaléma. Aguije hetaite ndéve karai Toma. Ágãnte aju jevýne aporandumie haguã ndéve ko’ã mba’ére.
Karai Toma: –Oĩ porã, hetaiterei mba’e oĩ gueteri ja’éva’erã ko’ã mba’ére.
Níko: –Che aguije hetaite ndéve karai Toma.
Karai Toma: –Ndaipóri mba’érepa. Ejúkatu reikotevẽmi javénte.
Níko: –Jajoecha peve.
Karai Toma: -Jajoecha peve.
Fuentes
1. González T., Dionisio, Instrumentos musicales. Costumbres. http://www.portalguarani.com/detalles_museos_otras_obras.php?id=103&id_obras=2511&id_otras=369 htras=369
1- Szarán, Luis, Historia de la música del Paraguay. Portal Guaraní