Teroja - adjetivo: Héra he’iháicha ha’e ñe’ê ojáva teróre, omoteĩ ha otekome’ẽva terópe.
Techapyrã:
Amo karia’y marangatu
teroja tero teroja
Todos los beneficios, en un solo lugar Descubrí donde te conviene comprar hoy
moteĩva tekome’ẽva
Teroja oñemohenda kóicha:
a- Teroja tekome’êva: Ha’ehína umi teroja otekome’ẽ térã otekochaukáva terópe.
Techapyrã:
puku - mbyky - porã - vai - pyahu - tuja - yvate - karape - piru - kyra -
ã- Teroja moteîva: Ha’e umi teroja omoteĩva terópe. Ohechauka, oñemomba’e térã oipapakuaáva terópe. Ñe’ẽjoajukatúpe (sintaxis) ko’ã teroja moteĩvagui oiko moĩmbaha moteĩva.
Teroja moteĩva oñemohendajey kóicha:
1- Teroja moteĩva techaukarã (adjetivo determinativo demostrativo): Ko’ãva, héra he’iháicha, ohechauka tero oñemohenda aguî térã oñemohenda mombyrevérõ.
Oñemohendajey hikuái kóicha:
Teroja moteĩva techaukarã tovakegua (de presencia)
Teroja moteĩva techaukarã tovake’ỹgua (de ausencia)
2- Teroja moteĩva mba’éva (adjetivo determinativo posesivo): Ha’ehína umi teroja oñemomba’éva teróre. Guaraníme, ojepuru ñe’ẽpehẽtai mboyvegua, teroja rekovia, ojehechauka haguã ava mbohapyha mba’e. Ko’ãva ñambopapyeta haguã ñambojoajúva’erã teróre ñe’ẽpehẽtai “kuéra” (tero juruguávare) ha “nguéra” (tero tĩguávare).
3- Teroja moteĩva papýva (adjetivo determinativo numeral): Ha’e umi ohechaukáva tero retakue; ja’eporãsérõ, oipapa terópe. Oñemohendajey kóicha:
* Teroja moteĩva papapy papýva (numeral cardinal)
peteĩ - mokõi - mbohapy – irundy
Techapyra:
Mokõi ryguasu
Irundy apyka
* Teroja moteĩva papapy papyháva (numeral ordinal)
peteĩha / mokõiha / mbohapyha / irundyha /
Techapyrã:
Mbo’esyry peteĩha
Óga mokõiha iporãve
4- Teroja moteĩva kuaa’ỹva (adjetivo determinativo indefinido): Ha’ehína omombe’úva tero retakue, ágã katu nomohesakãporãiva mboýetépa upe tero retakue. Upeguivoi ou upe héra: kuaa’ỹva.
mayma - oimeraẽ - heta
Techapyrã:
Mayma yvoty
Oimera’ẽ kavaju
Heta kuatia