1- Ejesareko porãmína ta’angáre ha ejepy’amongeta.
2- Embohovaimína ko’ã ñeporandu.
3- Emoñe’ẽmi.
Haimete opavave tetãme ko yvy ape ári oñemomorã Día Internacional de la Mujer.
Ko ára ndaje mba’evaiete oikova’ekue 25 jasyapy ary 1911 jave. Upérõ hendypa fábrica Triangle Shirtwais Nueva York-pe. 146 mba’apohára omano ha ijapytépe hetaiteve kuña.
Ñane retãme Kuña Paraguái Ára oñemomorã 24 jasykõi jave.
Ko ñe’ẽpotýpe Kuña mboriahu, mba’apohára ohaiva’ekue David Galeano Olivera he’i hetaite mba’e ikatúva oikuaauka mba’éicha ko’ã tapicha oiko asy opa henda rupi, opa tetãme. Emoñe’ẽmína.
I Asaje pyte Kuarahy ojope Ahecha reju Guata kane’õme Remyaña rejúvo Nde mba’yrumi Ha remono’õ Nde rapépe oĩva Kuatiamimi ha ambue mba’e Remoinge nde po Rejepovyvy Jahechápa ytýgui Nereguenohẽi Mba’erepymi Asaje pyte Kuarahy ojope Ahecha reju.
II Kuña mboriahu Tupã rembiguái Ndaipo’aietéva Haime pynandi Ao rembyre Rete kane’õ Ohechaukapáma Nemboriahuha. Mokõi ne memby Nde rapykuerépe Oguata kangy Ndoikuaaiete Ndererekoiha hi’upyrãmi Imba’erãkuéra Kuña mboriahu Tupã rembiguái Ndaipo’aietéva. III Kuña imena’ ỹva Ndéniko ha’e Kuña kuimba’e Voi asyete Py’a nandimíre Resẽ ne tapỹigui Tembi’u rekávo Mba’éreiko péicha Tupã Ñandejára Hesarái ndehegui Kuña imena’ỹva Ndéniko ha’e Kuña kuimba’e. IV Mba’éreiko péicha Tupã, Tupãsy Penderesarái Kuña ha’evégui Mba’épa oime Ojapovaíva Ha upehaguetére Upe kuñami Oiko asyete Ajepy’apy ha añeporandu Péichapa Tupã ha isy Oity ipochykue Kuña mboriahúre Mba’éreiko péicha Tupã, Tupãsy Penderesarái Kuña ha’evégui.
4- Ne rembiaporã
4.1 Emoĩmbami.
Ko ñe’ẽpoty héra
Ijapohare
Mba’érepa oñe’ẽ
4. 2 Ehekami ñe’ẽrurúpe mba’épa he’ise ko’ã ñe’ẽ oĩva ñe’ẽpotýpe.
Jope
Povyvy
Ha’eve
4.3 Ehai mbykymi ne remiandu kuñanguérape hi’árare.
Moõpa jajuhúta ko’ápe he’íva: https://bit.ly/2BMXE1f