ABC REMIANDU

Ojetypeka porã va’erã incendio Corte-pe guare rehe. Pe mba’ekái oiko va’ekue óga guasu Poder Judicial ryepype rehe herakuã heta mba’e, ha ikatuetevoi jejapopy, ndahe’éi oikónteva’ekue. Ojehapy ramo kuatia oñehundi haguã tembiapovai rapikuere, ani haguã ojekuaa oikóva, ñane retãme ndaipyahúi ha ojejapóvavoínte. Péicha ojehúmavavoi tenonderãve, oñemokany haguã kuatia ky’a. Péicha ojejapose rire Palacio de Justicia-pe -ndoikói jepe péva, ihary rupi umi oha’ã va’ekue mba’evai-, pévva ohechauka Poder Judicial ryepy itujupaiteveha pe oñeimo’ãvagui. Tekotevê ojejatykeka porã tavaygua oikuaa haguã mba’étepa añete oikóva’ekua.