Heta py'aro ogueraha hi'ari hikuái ha upéicha ohupyty peteî maldición ha imembýha pokõi mitã vai. Teju jagua:
Ojogua Tejúpe ha memby ipykue.
Tau ha Kerana memby ypykue. Hete tuichaiterei ha ipohýi upévare ndikatúi oipuru mbarete orekóva. Ojehecha hete ojoguaitereíha teju tuichava, oî heíva orekóha pokõi akã ojoguáva
jaguápe.
Mbó'i Tuî
Tau ha Kerana memby mokõiha, Teju guýpe oja. Kóva rehe oje'émi: mba'e re'õ rerekuahára, pira, mbusu, ysapy, ha yvoty mbojerehára. Ovy'áva yvy re'õme ha pira rerekua, mbusu, ysapy, ha yvoty mbojerehára.
Kurupi
Tau ha Kerana memby poha. Oñemombe'úva ha'éha peteï; karia'y karape'i oikova asajepyte ka'aguýre kañyháme. Oikóje ohápe ra'arõ mitãkuña osëva asajerei hógagui. Ojuhu ramo ichupe kuñataî yvu rapére oñaníva ichugui katuete ohechávo karia'y vaiete hete havarapáva. Péicha tuicha py'a tytýipe okañy ichugui.
AO AO
Tau ha Kerana memby poteïha. Oje'éva Ao Ao osêha kure ka'aguýcha, oikundaha ka'aguy, yvypóra ro'óre okarúha. Umi tapicha ojupíva raka'e mbokaja térã pindo rakãre AO AO ndojapói mba'eve hese. Ndikatúigu ha'e ojupi upe yvyramátare
Moñái
Ha'e avei Tau ha Kerana memby mbohapyha.
Hete haguepa, umi ñu ha yvytu jére rupi ovy'a, oiko omo'ã ipokovi ha ija'ÿva ha mondahakuérape oi pytyvõ.
Jasy Jatere
Ha'e avei Tau ha Kerana memby irundyha. Mitãi resa rovy yvágaicha, kuarahy mimbícha sa'yju iñakãrague. Osëva oheka mitãnguéra ndokeséiva asajepyte ha ogueraha haguã ka'aguýre ha omongañy. Oje'e oikóha opívo ha ipópe oguereko peteî kaa rakã pehëngue ome'ëva ichupe mba'ekuaaita.
Luisõ
Ha’e avei Ta’u ha Kerana memby. Ojoguáva jaguápe hete, ivai, hesa vera ha iñakã guasu. Pyhare pytévove oho ojapajeréi te’ongue ári, upévara hesa’yju ha ine. Oje’e pyharepyte oguahu ha oturuñe'ë; puku, maymáva ohendúhava omopirïmba omongyhyjégui. Sapy’a rei he’iva hikuái umi ñande ypykuéra: opokóvo nderehe ro’ysãva, upéva ha’e Luisõ nemomarandu oguahêmaha nde ára paha, oîrõ kuña imembýva pokõi kuimba’e ijapytépe osêva katuete Luisõ.