/arc-anglerfish-arc2-prod-abccolor.s3.amazonaws.com/public/GVHGZYZHEJD35L5VYKKXHGC3HY.jpg)
Salcedo Weinroth ou visita tetãme dos veces al año: ou sy ára jave ha isy aramboty jave.
Ko'ápe ojehapejoko ha jepénte ndoikéi Escuela Agromecánica oîva heta mba'e ohasa kuimba'ente ikatu upérõ oñemoarandu ha oñeha'ã ikerayvotýpe omoañete osêvo chugui mecánica de motores tembiapo.
Unite al canal de ABC en WhatsApp
Oñemoarandu tecnicatura superior de mantenimiento aeronave Escuela de Aviación Civil Adrián Jara ha'éva ko'ágã Instituto Nacional de Aeronáutica Civil, INAC.
“Imandu'a oñemoarandu hague ha oguahë chupe peteî oportunidad omba'apóvo técnica de presurización, oxígeno ha aire acondicionado yma Líneas Aéreas Paraguayas (LAP)-pe.
Upérõ oikuaa Phil Weinroth, omenda hese. Weinroth iomba'apo Cuerpo de Paz tavaguasu Eusebio Ayala-pe. Oho oiko hikuái San Diego, Estados Unidos, oikohápe iména ndive ha upéi imemby rire oñemoî oñemoarandu jey mbohapy ary porã Escuela de Aviación Miramar, San Diego, California, ha'eñoite kuña ha 20 kuimba'e oñemoarandúva ndive. Upéi ojekuaa ha'e kuña mbohapýha omohu'ãva ko ñemoarandu, oñeme'ê chupe licencia técnico de aviación heta aranduchauka rire ha ñeporandu ñe'êjovake guive ha práctica Aviación General, Airframe ha Powerplant-pe.
Imba'apo ñepyrû peteî empresa privada aviación oîva San Diego-pe oike 21:00 ha osê 06:00 aravo jave pyhare pukukue ha ko'êmbotávo péva mantenimiento de aviones rehe. Ha upéicha oñehenói ha oñecontrata chupe empresa General Atomics ojejapohápe drones Gobierno EE.UU. mba'éva.
Edith he'i ha'e añoite kuña oîva área técnica de motores empresa omba'apohápe. Ko'ápe orerko 150 compañero, militar oîve. Ha ichupe guarã ndaipóri kuña haguére ohapejokóva hembiapo.
Ichupe guarã ha maymávape omoguahë ko hemiandu he'ívo: "Mba'eve ndikatúi ojoko pe kerayvoty ojeguereko ramo, oñeikotevênte sacrificio ha fuerza de voluntad, araka'eve ndohejáiva'erã pe ikerayvoty ha oñeha'ãva'erã ohupyty haguã hembipotápe".