Ko arapoteî oúvape ojegueromandu'áta peteî ary periodista ABC Color Pablo Medina omanóhague, ha'e ore corresponsal diario-gua táva Canindeyú-pe, ojejapi hedive mitãkuña omba'apóva hendive Antonia Almada péva peteî crimen oje'éha oïha autor moral expolítico Vilmar “Neneco” Acosta.
“Kóva peteî káo excepcional ha'éva peteî sentido positivo”, he'i miércoles Guilherme Canela, consejero regional Unesco-gua, omoañetéva oïha diferencia káso Medina, ha'éva absoluta mayoría ko'ã káso oïhápe asesinato periodista en todo el mundo ndopáiva nunca ha peteî “solución de la investigación y la identificación de los autores morales”.
Acosta, ex intendente Ypehûmegua ojoajúva narcotráfico rehe, ojeapresa Brasil-pe amo cinco mese rupi omano rire Medina ha Almada.
Ko'ágã, Acosta oime Brasil-pe preso, ha oñeha'ãrõ extradición Paraguáipe ha péva opavave omonéi Supremo Tribunal Federal upe tetãme. Oñeha'ãrõ ára oñembohasa haguã ko'a gotyo Justicia paraguaya néira oikuaa araka'etépa.