CHE SY MARANGATU (Ohai Ninfa lina González)
Che sy marangatu
Nde hae kuña ijojaha´ŷva
Nde rekove ysyrysakâicha ipotĩasyva
Koê koêre ne memby hîva
Ha remyenyhê kunuû ha mborayhúgui
Nde hae tekove imarangatúva
Nereñandúiva kaneô, mba´asy
Reipotágui ne memby osê porâjoaite
Rehovasa tapiaite hekove, oipykúi
Haġua tape potî
Ha´e che sy porâite!!!
Ne ne´ã henyhê mborayhúgui
Ku ne memby ne renóiramo
Ha´etevoi ku panambi pepo paráicha
Hendápe reveve reju
¡Ha che sy marangatu
Tupâ ha isy tanderovasa
Ne resâi ha reikove puku haĝua
IPORÊỸGUI CHE SY
Silvio O. Salina rembiapokue
Roguapymíta ko ñasaindýpe
ore symíre taoremandua
ore rejáva mbaembyasýpe
ko arapýre ore angata
Oġuahênguévo ko pyharente
ndorovyái anga ore añomi
ore âhóva rehechaségui
rohayhuetéva ore symi
Ha Ñandejára ha tupâsýme
rojeruréva tohechauka
ko ore képe ára ha ára
ore symime torohecha.
Purahéi
CHE SYMI PORÂ
Ñe'ẽpoty ha pumbasy: Mauricio Cardozo Ocampo
Rohechaga'u che symi porâ
ha ku mombyry chehegui reime,
reikuaanga'u py'atarova
nachemonguevéiva ymaite guive.
Ñemokunu'û hyakuâmbavoíva
roheja guive chemotyre'ŷ,
hi'â chepepo, aveve aha,
nde ypýpe aguejy, roñandu che sy.
Arekóva iñongatuhápe
amo che anga ruguápe
che sy ne mborayhumi,
avave noĝuahêi hendápe
ha pe kuarahy ratáicha
ohesapéva ha omimbi.
Aromandu'a ne marangatu
mombyry guive che symi porâ,
mombe'upyrâmanteko ajuhu,
nde rekovekue ysyry sakâ.
Kuña Paraguay nde rekopete
nde ndereikuaái jahéi, kane'ô,
nde sýgui reru Residenta-kue
ha che ne memby péina amono'ô.