Pe Metrobús ohapo'o avei oúvo táva Fernando de la Mora rembaisakue. Ha péina hetáma yvyra ojeity ruta Mariscal Estigarribia ykére oîva, pe tembiapo tramo 3 metrobús rehegua. Umi yvyra apytépe oime peteî omomba'e guasúva tavaygua kuéra; chupekuéra guarã péva especial, oguereko rehe historia. Pévare hakate'yeteri hese fernandino-kuéra.
Péva peteî yvapovõ oitýtava avei Metrobús, ha oiméva Calle Última. Ojehero “yvyra oñe'êva”. Oñemombe'u peteî pionero fernandino, inmigrante catalán hérava Esteban Estragó Tría, omopu'ã va'ekue Cine Terraza Estragó, oguereko hague yma peteî radio. Ha pe yvyra rehe ndaje ohupimi upérõ parlante ohenduka haguã tapichápe mba'e mombe'u Guerra del Chaco rehegua.