Orekóvo reseña restaurante New York Times, periódico oñemomba'eguasúva Estados Unidos-pe, orekóva certificación oñemopyendáva Nueva York-pe. Omombe'u periodista Ligaya Mishan, ohaíva peteî columna hérava “Hungry City” (ciudad hambrienta, en inglés), oguahëvo upe negocio “Karu Café” (sí, karu del guaraní “comer”).Ko artículo kuhe oñemoherakuã, jueves, ha he'i: “Paraguay ha Venezuela, oñondive mesápe, Karu Café de Queens”-pe. Ko material periodístico ojoaju pe ñemosë diplomático ñane retãgui ha tetãme omyakãva Nicolás Maduro, ko arýpe ohechakuaáva heta avy tetã mokõi, especialmente osëvo Venezuela Merkosur-gui.
Zuny Llano, asuncena, ha imena, caraqueño Augusto Acevedo, oabri peteî restaurante octubre ohasáva Queens, peteîha umi irundýha barrio ‘boroughs’ oñemomba'eguasuvéva Nueva York-pe.
Ehechami ko'ápe: Galería de fotos NYT. -gua
Unite al canal de ABC en WhatsApp
El periódico oguerohory chipa, he'i péicha: “Chipa ñamindu'úvo ojogua gougère (pan kesu) okapu rire, oñeñandúgui pe ani ra'ÿi ombopiro'ýva ñande juru ha ome'ë efecto leudante”.
Omombe'u avei ñane compatriota Llano ohenóiha ikyvýpe, Abel Amarilla, okosina haguã umi plato típico Paraguái mba'éva. "Chipa guasu (es) aterciopelada avati ra'ÿi, puré ha grano entero, ojejapo haguãicha peteî soufflé. Pe mbeju, peteî mba'e apu'a mandi'o ku'ígui ha avei avati ku'ígui oïva ipype kesu, osella pya'eterei peteî sartén aceite'ÿtére. Pe ijerére henyhë jehai opururüva ojy rire”, ohai Mishan.
Upéicha avei, oñemomba'eguasu umi empanada, ohenóiva haihára “ Karai Amarilla territorio”.
“Ko'ã empanada, karai Amarilla teritorio-pe oikéva, osëva ipirégui ipererïva ha ndohejáiva aceite pypore ñane kuãre. Ipype, avati ra'ÿi, he'ëmbýva, ojoaju mozzarella ha béchamel (salsa blanca-icha). Ryguasu ro'o ha so'o pytã ojýva mbeuekatu avei estofado comino ipype, so'o pedazo, orekóvo suculencia y textura”, he'i Times, haihára.
Kuñakarai Mishan omboty nota ohaívo minuta tradicional tetã Paraguái mba'éva, sándwich de lomito, ha'éva peteî “filet mignon delgado ha asado a la parrilla juky añoite oraháva, ojeguáva jamón, lechuga, tomate, mozarela hapépe avei ryguasu rupi'a frito hs ipytãngue ojeisyryku haguãicha”.
“‘Kóva pe ore hamburguesa’, he'i kuñakarai Llano, ha añeporandu... ¿mba'ére ndaha'éi opavave mba'e?”, omboty ñe'ëjovake ijehaípe periodista.