Oity guive militar-kuéra dictador Stroessner-pe, ñane retãme ojopy opáichagua problema polítiko, ha katu tuichavéva umíva apytépe jahecha mba'éichapa maymávaite ñande ruvichavete-kuéra jaguerekova'ekue 1989 guive nomomba'eséi pe prohibición omoîva Constitución Nacional reelección rehe.

Péicha ojaposékuri hi'árape Wasmosy, ha upe rire Duarte Frutos ha avei Lugo, ha péina ojapose avei okéva Mburuvicha Róga-pe ko'ágã. Añetehápe, ko mba'e omongu'éva ko'ã fascista pyahu ágãguápe ombohovái haguã ñane Constitucional ñe'ê, péva ha'e ko indiferencia ohechukáva tavaygua dirigente social, gremial ha sindical-kuéra; upéva rehe, ha avei ikangýrehe ñane institucion democrática-kuéra.

Hesãi ha imbarete haguã ñane democracia, opavavete, pueblo soberano háicha, osêva'erã ohechauka ha ohenduka hemiandu mayma poguasukuérape, ikatu haguã ojoko pe epidemia política hérava “rekutu”, ojapóma 25 ary oikóva oipe'ase py'aguapy ñande República-gui, umi gobernante ñemombarete ha iñirûnguéra rova'atã ndohejaséiva poder, oviolátaramo jepe pevarã ñane Constitución.