Yma, ymaiterei, peteĩ táva okarayguápe, oikóraka’e peteĩ kuña ha hogaygua. Oje’e hesekuéra ha’eha umi hi’arevéva upe tendápe ha tapiaite oikókuri oñondivepa upe ógape. Peteĩ óga tuja, yvyrágui ijapopyréva, oĩva táva okaháre, peteĩ yvyty rapére. Upépe oikóraka’e peteĩ kuña imenamanóvama imembykuña neporãmbajepéva ndive, orekóva 21 ary, upérõ. Nameméi ou hikuái távape ha hogaykeregua okyhyje chuguikuéra ha he’i hikuái umi mokõi ha’eha kuña’aña. Akóinte ijao hũ hikuái ha umi pyhare, ára vai jave, ha’ekuéra ohendúmiva’erã opukasoróva upe tenda gotyo, ojoguáva kuña’aña pukápe.
Oikuaávo upe mba’e isy ipochyetereirasa ha tavaygua jepe ohendu isapukái, vaicha chupekuéra óga yvytygua hendypáva. Nati sy he’iraka’e chupe: “Mba’éicha piko nderyeguasu peteĩ kuimba’égui ndaha’éiva ñanderehegua”. Ipohyietereígui isy jeja’o, og̃uahẽvo mitãra’y arareñói, Nati ohejáraka’e omano. Mitãkaria’y oikuaávo upe ojehuva’ekue oha’uvõ Natípe kóicha: “Neñañágui, araka’eve neremanomo’ãi og̃uahẽmeve ára repoihágui ñañágui ha oikohápe ndehegui kuña marangatu”.
Peteĩ ára jekoraka’e omoambue heko ha oñepyrũ oipytyvõ hapichápe. Omoambue ijao hũ ao morotĩre ha, techapyrãrõ, omonguera mitã hasykatúvape ha oipytyvõ tapicha oikotevẽvape. Ojapo jave mba’e porã, ojapopa rire, hy’airo’ysãmba, iñakãnundu ha hy’ái ha ososopa, ikane’õiterei mokõi térã mbohapy ára.
Peteĩ ára ndaje og̃uahẽ upe távape peteĩ mitãkaria’y imbarete ha ipy’aguasúva ohova’ekue upe yvytýpe ha ohasávo upérupi ohecháraka’e upe mitãkuñáme hérava Nati ha ndojejokóigui oñemboja ha oñe’ ẽ hendive. Jeko upéicha rupi upe mitãkaria’y ohójepi oandúvo mitãkuñamíme ha ojejuhújepi hikuái peteĩ tendápe namombyrýiva upe mitãkuñami rógagui. Mitãkuñami he’íjekoraka’e mitãkaria’ýpe isy ndoipotaiha oñe’ẽ hogaykeregua ndive ha upéicha avei ndoipotaiete oñe’ẽ kuimba’ekuéra ndive. Jepémo upéicha, mokõivéva ojohechameme ha amo ipahápe mitãkuña opyta hyeguasu.
Todos los beneficios, en un solo lugar Descubrí donde te conviene comprar hoy
Sa ary rasami peve upe kuña oikoraka’e hekoñaña ha o ñembohory ha omondýi hogaykereguápe. Ojapo rire mba’e vai ojupímiraka’e itypycha ári ha oveve ha ohenduka ipuka soro vai upe tekoha pukukue javeve. Peteĩ ára omanóraka’e isy ha opyta ha’eño ha ára ha ára ombyasy hekoñañaha.
Lea más: Káso ñemombe’u (1)
Oñemombe’u peteĩ ára ojapo rire hetaiterei mba’e porã, ojehechaukahague Natípe pe mitãkaria’y ombohyeguasuva’ekue chupe ha upekuévo, ha’éva upe mitãra’y omanova’ekue túva, ha ndaje upérõ omosãsohague chupe teko’asyetégui. Upe mba’e rire, Nati, orekóva haimete mokõisa ary, omano py’aguapýpe. Oñemombe’u upe pyhare hóga okaipaitehague ha upe ára ko’ẽme upe tenda henyhẽte guyrakuéra ha ka’avo opaichagua ijyvotývagui.
Fuente: https://bit.ly/3ByszOk