I. Embopapapy hendapete Choguy mombe’upy vorekuéra.
_____ Choguy ndaha’éi ambue mitãicha, ha’e oñembosarái rangue hapichakuéra ndive, oikeva’erã pe ka’aguy mbytére omaña guyrakuéra rehe, ha oturuñe´ẽ chupekuéra oha’ãngávo umi tyapu he’ẽasýva.
_____ Katuete ojupi yvyrarakãre oñemoĩ opurahéi umi guyra’i ndive. Ka’aru vove ohóma ojupi yvyramata rehe oturuñe’ẽ guyráicha, ha umi mymbami ojerepa hese ohendúvo chupe.
_____ Ohecháramo ñuhã, ombyai ñemihapete, oĩramo oguyrara’ãva, okañy ha omondýi chupekuéra ani hag̃ua ojuka mymba’i ha’e ohayhúva.
_____ Isy oikóma he’i chupe anive hag̃ua oiko upéicha, ka’aguy mbytére ha’eñorei. Ha’ekatu hesarái ha ohojeýma iñirũnguéra ndive opurahéi.
Todos los beneficios, en un solo lugar Descubrí donde te conviene comprar hoy
_____ Choguy ohohápe umi guyra’i ohopa hendive, ojahúrõ ysyrýpe, ho’úramo yva aju, taha’e taha’ehápe katuete oĩ hendive umi iñangirũ ovevekuaáva.
_____ Peteĩ jey oĩ jave yvyra ru’ãre ohendu isy ohayhuetéva ohenoiha chupe, ojapurágui oguejy hag̃ua, ho’a sapy’a yvatetégui, opyta pe yvýpe ndoku’evéi, omboty hesa ha nosẽvéi ipytu.
_____ Ñandeapohára ohendu chupekuéra ha upémarõ osẽ pe mitã'i pyti’águi peteĩ guyra’isaite iporãmbajepéva opurahéiva “Choguy, choguy” opóvo narã ru’ãre ho’u yva he’ẽ asýva.
_____ Ñandejára oguerahámagui chupe yvágape, upémarõ umi guyrakuéra ojerure asy Tupãme omboujey hag̃ ua Choguy hendivekuéra, ohayhuetégui chupe hikuái.
_____ Choguy ha’e peteĩ mitã'i marangatu ijukyetereíva, oikóva hogaguakuéra ndive, ñande ypykuekuéra guarani, ka’aguy mbytére, hete po’imi ha ipirekái, kuarahýpe oiko hague, hesa hũ katupyry, ava guaranícha.
II. Embohovái.
Máva haipyvópa oho ko oñembohasava’ekue castellano-pe.
Nuestro Creador les escuchó, y entonces salió del pecho del niño una hermosa ave silvestre que canta «Choguy, choguy» al saltar en las ramas de las naranjas y comer las dulces frutas.
Oĩ porãva
I. 2 – 3 – 5 – 6 – 4 – 7 – 9 – 8 – 1
II. Ñandeapohára ohendu chupekuéra ha upémarõ osẽ pe mitã'i pyti’águi peteĩ guyra’isaite iporãmbajepéva opurahéiva “Choguy, choguy” opóvo narã ru’ãre ho’u yva he’ẽ asýva.
Fuente: https://bit.ly/3Dm5DB9