“Che mondýi convocatoria”, he'i Carlos Pereira oñomongetávo ABC Cardinal ndive pe designación oguahëva ichupe Secretaría Técnica de Planificación Desarrollo Económico y Social (STP), oñemoañetéva decreto Nº 272, ofirmáva Presidente Mario Abdo Benítez.
Hembiapo omokyre'ÿva'erã opavave municipalidad ha gobernación tetã mba'éva. “Omoheñói mayma gente ojapo haguã hembiapo ha hemikotevê oipyso ha ombohetáve. Toguenohê tekotevê ha jeiko asýgui omoarandu haguã katupyrýpe ha oguahë haguã asistencia técnica” rupive omoañete.
Péicha avei pe ojapóva hikuái umi tapicha oikuave'êva'erã ha oguerovia osê porãtaha umi mba'e. “Productividad oî ha ndoikuaái moõpa omohendáta iproducto; ndorekóigui margen ni poder de negociación, ha opytánte pe hembipotápe, oîgui katuete pe usura ýrõ poder económico omoî chupekuéra umi precio”, he'i.
Upéicha avei omombe'u ha'ekuéra oreko umi mba'erepy ha Gobierno rupive oñegarantisa precio mínimo ikatu haguã mayma tapicha ha familia omba'apo py'aguapýpe.
"Che rembiasa banco aisãmbyhývo, ambohovái heta pañu'ãi chokokue ndive, ahechakuaa iñemitÿ ha producción ndoikuaái hikuái mboýpa ojapo ha ndoikuaái mba'éichapa irendimiento porã productividad ha hectárea-pe", umi mba'épe aipytyvõta SPT guive, ombotývo iñe'ê.