Oñepyrûvo kuehe ovende entrada, ha ojegueraháma 20.000 umi 33.000 osêvagui ojehecha haguã partido ko arapokõi (sábado) pyhare oúvape, 7 aravo jave.
Pépe oñombohováita Olimpia ha General Díaz Defensores del Chaco-pe. Ogana ramo Decano, opytáta campeón pyahu ramo ñane retãme, pe ohupitýta 40 umi campeonato ombyatýva ko'ágã peve. Opáva tenda gradería Sur ha Albirroja VIP-pe ojeike haguã. Ko pyhareve guive oñekuave'êvéta entrada Defensores ha Para Uno-pe.