Contrato, rupive umi pohanohára Hospital Nacional de Itauguápegua ojapova'erã pasantía umi tenda oimehápe region sanitaria tetã okaháre, omohu'ãvo periodo de residencia, marzo oúvape.
Dr. Miguel Rondelli, presidente Asociación de Médicos Residentes Hospital Nacional-gua, omyesakã ABC Color-pe oïha avy ndaipórigui garantía umi oikéva ko'ágã.
Omoañete umi tasyo oñemondohápe umi residente ojapóvo ipasantía, omombe'u hikuái ndaipóri condiciones oñemohendáva infraestructura ha equipamiento ikatu haguã oike hembiapópe hikuái. “Ndaha'éi oñemoïva profesional, sino ndikatúiha ome'ê chupekuéra calidad ni calidez hembiapópe”, he'i Rondelli.
Representante de los residentes otaky avei mba'éichapa oñemotenonde Pasantía Rural, oatentágui formación orekóva ha'ekuéra rehe. “Pasantía rural ha'e peteî proyecto improvisado, néira ojepublica reglamento, ni umi futuro pasante rural ndoikuaái hikuái”, omyesakã.
“Iporã niko pasantía ojeporúvo hekoitépe ha oñeplanifika ramo, anitei oñeimprovisa peteî plan ha anitei ojeporu umi residente conejillos de india ramo, itriste ore irünguéra orekóvo problema legal ha upépe ohecha jey hikuái ikuatia”, omoañete.
Upévare, ko jueves oñemotenondéta reunión tripartita ikatu haguã ombovevúi apañuãi,ha upéicha umi residente ojapóta avei peteî manifestación ojopývo Ministerio ohecha jey haguã ipostura.