Kuehe ka’aru oñembyaty umi senador Rodolfo Friedmann (kolo’o, Añetete) ha Jorge Querey (Frente Guasu), diputada Celeste Amarilla (PLRA)-ndive, pe Comisión Bicameral ojeporekáva lavado de dinero ha ambue delito hesegua oñembojáva Darío Messer ha iñirûnguéra rehe. Pe aty ombyesako’i umi 20 porandu ojejapótava mburuvicha guasu-kue Horacio Cartes-pe.

Ndojekuáai Cartes-pa ohóta omyesakã haguã heta mba’e, ha senador Friedmann, omyakãva pe comisión, omombe’u avave ndoipurumo’ãiha fuerza pública HC rehe, ha oîtaha respeto pe investidura rehe.