Riera ojerúre umi temimbo'e “ani oike” protesta-pe temimbo'ekuéra

Marandu osëva ministro Enrique Riera omotenondéva ko'ã ára jahavape ha oguerosapukáiva enmienda ani oñemboguata, ha ojerúre umi temimbo'épe “oñemantene haguã sasõme ha tomomba'e umi hapicha derecho”.

Ko'ã mba'e he'i oikuaa rire umi temimbo'e mbo'ehaopegua, ha'eháicha Colegio Nacional Asunción Escalada ha Colegio Nacional de la Capital (CNC), oñemanifesta ojerurévo toguahë py'aguapy, upéicha Unión Nacional de Centros de Estudiantes del Paraguay (Unepy) oñehenói asamblea permanente ojejuka haguére mitãkaria'y Rodrigo Quintana, oimévakuri Partido Liberal Radical Auténtico (PLRA)-pe, ombotovéva enmienda constitucional omoheñóiva apañuãi ha opavave tekove ndoguerohorýiva ha omyendy tata Congreso rehe, omosununúvo.

Riera ojerúre umi tendota partidario-kuéra anitei oiporu temimbo'ekuérape fines político rérape “ha upéicha anitei omokyre'ÿ violencia”.

Unite al canal de ABC en WhatsApp

Omohu'ãvo he'i tojepytaso hikuái ñomongeta rehe ha tomokyre'ÿ respeto ha cultura de la paz.

Lea en Español:

Ministro de Educación, Enrique Riera, oguenohë peteï comunicado omokyre'ÿva umi temimbo'e “oñemantene independencia” ha ani oike marcha omokyre'ýva umi sector partidario-kuéra.